Արտադրող երկիր -
Հայաստան
30 տարվա հնացմամբ այս կոնյակը կրում է մ.թ.ա. 782 թվականին արքա Արգիշտի Ա-ի հրամանով կառուցված Էրեբունի ամրոցի անվանումը: Ուստի և նրա շքեղ փաթեթավորումը դրվագազարդված է հնագույն սեպագիր արձանագրությամբ, որի քարերին հավերժացել է ապագա մայրաքաղաք Երևանի հիմնադրումը։ «Էրեբունի 30»-ի կուպաժն իր մեջ միավորում է ավելի քան 30 հազվագյուտ և հնագույն սպիրտներ, որոնցից ամենահինը թվագրվում է 1934 թ.։
Ալկոհոլի թնդությունը՝ 40%
Սննդային (էներգետիկ) արժեքը 100 մլ-ում՝ 940 ԿՋոուլ / 230 կկալ
1887 թվականից հայկական կոնյակագործների՝ սերնդեսերունդ փոխանցվող վարպետությունն ու ժառանգությունը մարմնավորող ARARAT կոնյակներն արտադրվում են Երևանի կոնյակի գործարանում՝ բացառապես Արարատյան դաշտում աճեցված խաղողի տեսակներից։ Նրանց կուպաժավորման ժամանակ օգտագործվում է Կաթնաղբյուրի բնական աղբյուրի ջուրը, իսկ հնացման փուլն անցնում է գործարանի սեփական տակառագործական արտադրամասում ձեռքով պատրաստված դարավոր կովկասյան կաղնեփայտե տակառներում:
