«ՔԱՐՖՈՒՐ» ՍՈՒՊԵՐՄԱՐԿԵՏՆԵՐԻ ՑԱՆՑԻ ԿԱՅՔԻ ՕԳՏԱԳՈՐԾՄԱՆ ԿԱՆՈՆՆԵՐ
1. ԸՆԴՀԱՆՈՒՐ ԴՐՈՒՅԹՆԵՐԸ
1.1. Պատվիրելով ապրանքները կայքի միջոցով՝ պատվիրատուն համաձայնում է ապրանքների վաճառքի պայմաններին, որոնք սահմանված են համաձայնագրով:
1.2. Պատվիրատուն պարտավոր է ծանոթանալ սահմանված դրույթներին նախքան պատվեր գրանցելը: Սահմանված պայմանների հետ համաձայն չլինելու դեպքում պատվիրատուն պետք է զերծ մնա կայքից օգտվելուց:
1.3. Գրանցվելով կայքում և համաձայնելով սույն պայմանների հետ՝ պատվիրատուն հաստատում է, որ ապրանքը ձեռք է բերում բացառապես անձնական, ընտանեկան, տնային և այլ կարիքների համար, որոնք կապված չեն ձեռնարկատիրական գործունեության իրականացման հետ։
2. ՊԱՏՎԵՐՆԵՐԻ ՁԵՎԱԿԵՐՊՈՒՄԸ ԵՎ ՎՃԱՐՄԱՆ ՊԱՅՄԱՆՆԵՐԸ
2.2. Կայքում գրանցվելիս, պատվիրատուն պետք է տրամադրի հետևյալ տեղեկությունները:
- հեռախոսահամարը
- ընկերության կողմից կարճ հաղորդագրության (SMS) միջոցով ուղարկված ծածկագիրը,
- անուն, ազգանունը,
- ծննդյան ամսաթիվը,
- էլեկտրոնային փոստի հասցեն,
- սեռը,
- առաքման հասցեն:
2.3. Գրանցվելուց հետո պատվիրատուն իրականացնում է ապրանքի ընտրությունը կայքում և ընտրված ապրանքը տեղափոխում է զամբյուղի մեջ, որպեսզի հետո կարողանա պատվեր ձևակերպել: Պատվիրատուն նախքան պատվերի հաստատումը կարող է խմբագրել զամբյուղը։
2.4. Կայքում տեղադրված լուսանկարները կարող են ինչ որ չափով տարբերվել իրական ապրանքից:
Ապրանքների նկարագրությունները կարող են պարունակել որոշակի անճշտություններ:
2.5. Որպեսզի հնարավոր լինի իրականացնել առաքում, պատվիրատուն պետք է տրամադրի վավեր առաքման հասցե, ցանկացած անճշտության պարագայում, ընկերությունը պատասխանատվություն չի կրում։
2.6. Պատվերը ձևակերպելիս, պատվիրատուն պետք է տրամադրի նաև հետևյալ ինֆորմացիան:
- առաքման ժամանակահատվածը,
- պատվերը ստացողի անունը, եթե վերջինս անմիջական պատվիրատուն չէ,
- ըստ անհրաժեշտության ևս մեկ հեռախոսահամար,
- վճարման եղանակը,
- մեկնաբանություններ՝ ըստ անհրաժեշտության:
2.7. Ապրանքի բացակայության դեպքում ընկերությունը պարտավորվում է ծանուցել այդ մասին պատվիրատուին, և ըստ անհրաժեշտության կատարել փոփոխություններ:
2.8. Բացակայող ապրանքների առկայության դեպքում, երբ պատվիրատուի ցանկությամբ կատարվել է ապրանքատեսականու որոշակի փոփոխություն, որի արդյունքում եղել է վերջնական գումարի ավելացում, ապա պատվիրատուն պարտավոր է վճարել տեղում կանխիկ կամ POS տերմինալի միջոցով։ Եթե տեղի է ունեցել վերջնական գումարի նվազեցում, ապա ընկերությունը պարտավոր է կատարել վերահաշվարկ կանխիկ վճարման դեպքում, և ետ վերադարձնել գումարը պատվիրատուի քարտային հաշվին անկանխիկ վճարման դեպքում։ Գումարի ետ վերադարձը տեղի է ունենում 1-ից 3 օրվա ընթացքում՝ կախված բանկից։
3. ԸՆԴՀԱՆՈՒՐ ԴՐՈՒՅԹՆԵՐ ԿԱՊՎԱԾ ՎՃԱՐՄԱՆ ԿԱՐԳԻ ՀԵՏ
3.1. Ապրանքի գինը կայքում նշված է ՀՀ դրամով: Գինը ներառում է ՀՀ օրենսդրությամբ նախատեսված բոլոր հարկերը:
3.2. Պատվերի վերջնական արժեքը ներառում է պատվիրատուի կողմից զամբյուղում տեղակայված գումարից, փաթեթավորման համար օգտագործված գումարից և առաքման համար գանձված գումարից։
3.3. Պայմանավորված տվյալ ապրանքի շուկայական գնի փոփոխության հետ, ընկերությունը իրավունք ունի փոփոխելու ապրանքի գինը, նախքան պատվիրատուի կողմից պատվերի հաստատումը։
3.4. Ձևակերպված պատվերի համար պատվիրատուն կարող է վճարել
- կանխիկ՝ վճարելով անմիջապես առաքման ժամանակ
- POS տերմինալի միջոցով (նախապես տեղեկացնելով այդ մասին)
- անկանխիկ՝ կայքի միջոցով պատվերի ձևակերպման փուլում։
3.5. Անկանխիկ վճարման տարբերակն ընտրելիս՝ պատվիրատուն պետք է վճարի պատվերում նշված գումարն ամբողջությամբ: Անբավարար միջոցների դեպքում պատվերը չի հաստատվում և չի մշակվում համակարգում: Նման պարագայում Օգտատիրոջից որևէ գումար չի գանձվում:
4. ՊԱՏՎԵՐԻՑ ՀՐԱԺԱՐՎԵԼՈՒ ԵՎ ԱՌԱՔՎԱԾ ԱՊՐԱՆՔԸ ՎԵՐԱԴԱՐՁՆԵԼՈՒ ԿԱՐԳԸ
4.2. Առաքված ապրանքից պատվիրատուի հրաժարվելու դեպքում ընկերությունն իրավունք ունի պատվիրատուից գանձել առաքման ծառայությունների արժեքը: Չստացված ապրանքի դիմաց պատվիրատուին վերադարձվում է վերջինիս կողմից վճարված գումարը։ Եթե վճարումը պետք է կատարվի կանխիկ կամ POS տերմինալի միջոցով, Ընկերությունն իրավունք ունի պատվիրատուից պահանջել չընդունված ապրանքների առաքման ծառայությունների վճարում:
4.3. Ապրանքը ստանալու պահին պատվիրատուն պարտավոր է ստուգել ստացված ապրանքների համապատասխանությունը (քանակ, որակ և այլն) միայն առաքչի ներկայությամբ:
4.4. Պատվերը ստանալու պահին եթե պատվիրատուն հայտնաբերում է անպատշաճ որակի ապրանքներ կամ պատվերին անհամապատասխան ապրանքներ, պատվիրատուն իրավունք ունի պահանջել այդ ապրանքները փոխարինել պատշաճ որակի ապրանքներով կամ հրաժարվել դրանք ընդունելուց և պահանջել վերադարձնել անպատշաճ որակի ապրանքների համար վճարված գումարը:
Ընկերությունն իր հերթին պարտավոր է այդ ապրանքը փոխարինել պատվիրատուի պահանջը ստանալուց հետո մեկ օրվա ընթացքում։ Տվյալ ապրանքի բացակայության դեպքում ընկերությունը պարտավոր է լրացուցիչ ծանուցել այդ մասին պատվիրատուին, և սահմանված կարգով կազմակերպել չվճարված ապրանքների համարժեք դրամական միավորը ( եթե վճարումն արվել է նախապես)։
4.5.Պատվիրատուն իրավունք չունի վերադարձնել ձեռք բերված պատշաճ որակի պարենային, ինչպես նաև ՀՀ կառավարության կողմից սահմանված վերադարձման և/կամ փոխարինման ոչ ենթակա ապրանքները:
4.6.Պատվիրատուն իրավունք ունի պատշաճ որակի ոչ պարենային ապրանքն օրենքով սահմանված ժամկետներում վերադարձնելու ընկերությանը կամ դրանք փոխարինելու այլ չափի, ձևի, գույնի կամ համանման ապրանքով` գնի տարբերության դեպքում անհրաժեշտ վերահաշվարկ կատարելով Ընկերության հետ:
4.7. Պատվիրատուն կարող է ապրանքը վերադարձնել կամ փոխարինել միայն այն դեպքում, եթե ապրանքը չի օգտագործվել, պահպանված են դրա սպառողական հատկանիշները և առկա են ապրանքն Ընկերությունից ձեռք բերելու մասին ապացույցներ:
4.8. Պատշաճ որակի ոչ պարենային ապրանքը վերադարձնելու կամ փոխարինելու հետ կապված ծախսերը կատարվում են պատվիրատուի հաշվին:
4.9. Ընկերությունն իրավունք ունի մերժել կայքի միջոցով պատվերի ձևակերպումը, եթե նախկինում պատվիրատուի կողմից կատարված պատվերները չեն ստացվել վերջինիս կողմից իր մեղքով (Օգտատերը չի բացել դուռը կամ պատվերն առաքվելու ընթացքում չի պատասխանել առաքչի կամ Ընկերության աշխատակցի զանգերին կամ նշել է առաքման գոյություն չունեցող հասցե և այլն):